ISMAILY المـديـر العـــام
:: النوع :: : :: بلدك :: : -~ عدد آلمُسآهمإت -~ : 775 :: هويتك :: : :: المزاج :: : :: المتصفح :: : :: العمر :: : 29
:: احترام قونين المنتدى :: :
| موضوع: ملف كامل عن حلويات العيد الأربعاء فبراير 23, 2011 7:55 am | |
| محتويات الموضوع:
كحك العيدبالبيكنج بودر( بالكوب) كحك العيدبالبيكنج بودر(بالكيلو ) كحك بالعجمية والملبن كحك بالخميرة الفورية(بالكوب) كحك العيد(بالخميرة بيرة ) كحك العيدبالزبادى عجمية (1 ) عجمية (2) غريبة(1) غريبة(2) بتيفور ناعم البتيفور السريع اصابع البتيفور لانكشير سابلية(بالكوب ) سابلية بالكيلو بسكوت الفانيليا بسكوت البرتقال بسكوت اللوز بسكوت عين الجمل بسكوت البندق بسكوت النشادر بسكوت القرفة
* أوزان بالمعلقة والكوب: جرام دقيق = فنجان شاى او كوب ماء 150 جرام سكر بودرة = فنجان شاى او كوب ماء 200 جرام سكر سنترفيش= فنجان شاى او كوب ماء 225 جرام ارز= فنجان شاى او كوب ماء 80 جرام جوز هند مبشور= فنجان شاى او كوب ماء
عند استعمال الملعقة تكون ممسوحة عند استعمال الكوب او فنجان الشاى تكون مش مكبوسة وتكون مسطحة 5 جرام سكر = معلقة شاى 20 جرام سكر = معلقة حلو 20 جرام دقيق = معلقة حلو 37 جرام سكر = معلقة كبيرة 37 جرام دقيق = معلقة كبيرة 37 جرام زبدة = معلقة كبيرة 150 جرام زبيب= فنجان شاى او كوب ماء 125 جرام بندق او فول سودانى= فنجان شاى او كوب ماء 225 جرام سمن او زيت = فنجان شاى او كوب ماء 10 جرام ملح = معلقة شاى 120 200 جرام زبدة= فنجان شاى او كوب ماء
ملحوظة بالنسبة للكحك
1-عشان الكعك يكون ناعم لا زم نبسه كويس قوى وماء العجن مايكونش كتير لأن المياة الزائدة هى اللى بتنشفة و فية ناس كتير فاهمة العكس ان كل ما تحطيله ماء يبقى ناعم وطرى و يستغربوا لما يحطوا ماء و يطلع ناشف.
2- ابقى حطى السمسم ابيض ورشية على وش الدقيق فلما تيجى تصبى السمن المقدوح قوى حينزل على السمسم يحمصة. 3- لما تخلصى الكحك وتحطية فى الصاجات علشان يخمر لما تلاقى الكحكة نشفت تعرفى انها خمرت .
4- ماتتقيديش بمقدار الدقيق اللى مكتوب لان نوعه بيختلف من دقيق للتانى يعنى ممكن ماتستعمليش الكمية المكتوبة كلها وممكن تحتاجى تضيفى دقيق تانى
لحد ماتلاقى العجينة طرية واتلمت .
5-بنستخدم لكل كيلو دقيق علية كوب ماء او كوب ونص ماء
6- لما تيجى تنقشى الكحك بالمنقاش وانتى بتنقشى ابقى اضغطى على النقش وارفعى ايدك بالنقشة لفوق علشان السكر البودرة يبقى ثابت جوة النقشة 7- بنستخدم ملعقة خميرة فورية لكل 4 كوب سميد.
*طريقة استخدام الخميرة بيرة :
فى كوب اضع ملعقة صغيرة خميرة بيرة وقليل من السكر وادوبها بالملعقة الاول ثم اضع كوب ماء دافىء .
ملحوظة بالنسبة للغريبه
عجينة الغريبة لازم تاخد دعك جامد كل ماتدعك كويس بتطرىوماتظهرش فيها التشققات بعد السوى اذا ذاد السكر فى عجينة الغريبة بتنشف الغريبة علشان كدة بنقلل السكر شوية فى العجينة ولما بتخرج من الفرن وهى ساخنة بنرش عليها بسرعة بالمنخل.
ملحوظة بالنسبة للبتيفور 1- اذا كنتى عاوزة البتيفور ناعم قوى اعملية بصفار البيض فقط 2- فى عمل البتيفور لاتدهن الصينية بالسمن 3- لو أردنا عمل بيتي فور بالكاكاو نضيف للدقيق2 ملعقة كاكاو وننقص2 ملعقة دقيق منه
خامات التزوييق
شوكولاتة فارمسيل – جوزهند ناعم – جوزهند خشن – الوان صحية – شيكولاتة سايحة بيضاء – شيكولاتة سايحة غامقة – كرز مسكر – فواكة مسكرة – كور البونبون الفضى – قشور اللوز – مكسرات مفرية – قرنفل صحيح – فستق – ملبس ملون – صنوبر – مربى – حلوى الماء
اولا: الكحك:--كحك العيد بالبيكنج بودر(بالكوب)المقادير: 3كوب دقيق مليان منخول - كوب سمن سايح كوب الاربع ماء او حليب دافىء 1 ملعقة صغيرة بيكنج بودر ذرة ملح نص ملعقة صغيرة رائحة كعك ملعقة كبيرة سمسم الطريقة: ينخل الدقيق ويضاف إليه ذرة الملح والسمسم وريحة الكحك والبيكنج بودر يقدح السمن ويضاف إلى الدقيق ويدعك جيدا حتى يختلط السمن مع الدقيق تماماً. نضع الماء الدافئ او الحليب وتضاف إلى العجين و تعجن حتى تكور العجينة وتصبح صالحة للنقش تشكل كور صغيرة ونضغط عليها قليلا لتصبح دائرة صغيرة مرتفعة قليلا من الوسط وتنقش او توضع فى قالب المخصص لأشكال الكحك وتوضع فى صوانى الخبز. ثم تخبز فى فرن متوسط الحرارةوتترك حتى تبرد تماما ويرش عليها السكر البودرة كحك العيد بالبيكنج بودر(بالكيلو) المقادير: كيلو دقيق -2 كوب سمن كوب حليب - 2 ملعقة صغيرة بيكنج بودر 2 ملعقة صغيرة رائحة كعك 2 ملعقة كبيرة سمسم ذرة ملح للحشو: عجمية او ملبن او مكسرات محمصة الطريقة يخفق السمن بالمضرب حتي ينعم يضاف الحليب مع الاستمرار في الخفق حتي يتجانس الخليط. نضع على الدقيق البيكنج بودر والملح ويرش فوقه السمسم ورائحة الكحك. يصب خليط الحليب بالتدريج فوق خليط الدقيق ويعجن المقدار حتي نحصل علي عجينة يمكن تشكيلها ولا تلتصق باليد
وتحشي بقطعة صغيرة من العجمية او الملبن( بحجم البندقة الصغيرة) تقطع العجينة الي كرات متساوية مع البندق او الجوز وتنقش بالمنقاش يسخن الفرن ويرص الكعك في الصاجات مع مراعاة ترك مسافة بين كل واحدة يخبز الكحك في فرن متوسط الحرارة حتي يصير لونه ذهبي يرفع من الفرن وبحرص يرفع من الصاجات ويترك حتي يبرد. ويرش بالسكر البودرة كحك العيد بالعجميةكيلو دقيق – 1/2 كيلو سمنمن كوب لكوب ونصف ماء دافىء للعجنقطعة خميرة بيرة فى حجم عين الجملزرة ملح – 2 معلقة ريحة كحكسمسم – معلقة سكرالطريقةننخل الدقيق في طبق غويط للعجن .. نعمل حفره في النص نضع فيها السمسم نقدح السمنه علي النار لغاية ما تتقدح كويس جدانحطها علي السمسم ونقلب بملعقه خشب او بالمقصوصة لماتبرد نبس أو نفرك خليط الكعك بين الإيدين كويس قوي ..حتي ينعم ويتشبع بالسمنه -نخمر الخميره مع ملعقه صغيره سكر في شوية ماء دافئ بعد أن تعلو وترتفع الخميره .. نعجن بيها الكحك .. ونغطيها لتخمر حوالي ساعه نشكل الكحك كور صغيره ونحشيها إما بالعجميه أوالملبن أوأي نوع مكسرات مفضل أو حتي بدون حشو وننقشها بالمنقاش أو القوالب الخاصه بالكحك.. نخبزها ولما تبرد نرش عليها سكر بودره العجمية(1)كوب عسل نحل 1 ملعقه كبيره سمن 2 ملعقه كبيره سمسم الطريقة2 ملعقه كبيره دقيق نسخن السمن فى مقلاية ثم نضع الدقيق ويقلب لحد ما لونه يصفر نضيف له السمسم تقليبه وبعدين ا شيل المقلاية بعيد عن الناروابدء اضيف العسل واحدة واحدة مع التقليب المستمر وبسرعة ثم اضعه على النار مع التقليب لحد مايغلى وتتكون عجينة طرية ماسكة نفسها ونضع ريحة الكحك و أي نوع مكسرات ( بندق - جوز - فسدق )ونتركه يبرد ونعمل العجمية على هيئة كور فى حجم البندقة بقشرتها ونحتفظ بها لحين الحشو بها العجمية (2)نص كيلو عسل ابيض ملعقة كبيرة سمن 2 معلقة كبيرة دقيق ربع معلقة ريحة كحك 2 معلقة كبيرة سمسم الطريقة..نسخن السمن فى مقلاية ثم نضع الدقيق ويقلب لحد ما لونه يصفر نضيف له السمسم تقليبه وبعدين ا شيل المقلاية بعيد عن الناروابدء اضيف العسل واحدة واحدة مع التقليب المستمر وبسرعة ثم اضعه على النار مع التقليب لحد مايغلى وتتكون عجينة طرية ماسكة نفسها ونضع ريحة الكحك و أي نوع مكسرات ( بندق - جوز - فسدق )ونتركه يبرد ونعمل العجمية على هيئة كور فى حجم البندقة بقشرتها ونحتفظ بها لحين الحشو بها
| |
|
ISMAILY المـديـر العـــام
:: النوع :: : :: بلدك :: : -~ عدد آلمُسآهمإت -~ : 775 :: هويتك :: : :: المزاج :: : :: المتصفح :: : :: العمر :: : 29
:: احترام قونين المنتدى :: :
| موضوع: رد: ملف كامل عن حلويات العيد الأربعاء فبراير 23, 2011 7:58 am | |
| | |
|
راجية الرحمة عضو نشيط
:: بلدك :: : -~ عدد آلمُسآهمإت -~ : 44 :: احترام قونين المنتدى :: :
| موضوع: رد: ملف كامل عن حلويات العيد الخميس يوليو 10, 2014 6:44 am | |
| | |
|